வித்துக்கள் இருப்பதும் உங்களிடமே
பிறந்திட்ட மனிதர்களே
விளைந்திட்ட விதைகளே
வளர்ந்திட்ட விருட்சங்களே
தழைத்திட்ட தலைமுறைகளே
விதையுங்கள் நல் வித்துக்களை
இனமொழி உணர்வுகள் கலந்திட்டு
பகுத்தறிவு பண்பாடு இணைந்திட்டு
தன்மானம் பொதுநலமென உரமிட்டு
வகுத்தறியும் சிந்தையுடன் பயிரிட்டு
முளைக்கும் களைதனை களைந்திட்டு
விளைச்சலை எதிர்நோக்கி காத்திட்டால்
பண்பட்ட பயனுள்ள முடிவே கிட்டிடும் !
சிந்தைதனில் கொள்ளுங்கள் இதனை
சிந்தனைகளும் சீராகவே பெற்றிடலாம்
விளைவதும் நல்முத்துக்களாகும் என்றும்
சமுதாயமும் சிறப்புடனே உருவாகிடும் !
வித்துக்கள் இருப்பதும் உங்களிடமே
விளைப்பதும் உங்கள் முறைதனிலே !
பழனி குமார்
