முடிவெடுங்கள்

 இருள் சுழ்ந்து கிடக்கிறது மக்களின் வாழ்க்கை,
பிரகாசமாக உள்ளது, இவ்வார்த்தை சொன்ன அரசியல்வாதிகளின் வாழ்க்கை,

 எங்கள் ஆட்சி பொற்காலமாக அமையும், தெரியும்
உங்களுக்கு பொற்காலம், எங்களுக்கு கற்காலமென்று,

 இலவசங்களை வழங்கி உங்கள் குறைத் தீர்ப்போம்,
எதற்கு மக்களையும் வீ ணர்களாக்கி அழிக்கவா?

 லஞ்சத்தை ஒழிப்போம் என்றீர்கள்,
ஒழியாது, கொடுப்பது நீங்களாக இருக்கும் வரை,

 விவசாயிகளின் வாழ்க்கைத் தரம் உயரும்,
உயர்ந்தது, அவர்களின் இறப்பு விகிதம்,

 எங்களுடையது மக்களாட்சி,
சரிதான், உங்களுடைய மனைவி மக்கள் ஆட்சி என்பதை மறைமுகமாக சொல்லியிருக்கிறீகள்,

 அனைவருக்கும் கல்வி- கல்விதுறையோ தனியாரிடம்
அனைவருக்கும் மது- டாஸ்மாக் துறையோ அரசிடம்,
என்னவொரு உயர்ந்த நோக்கம்,

முடிவெடுங்கள், இனி கிடையாது
பணத்திற்கும், இலவசத்திற்கும் இசையாத நம்மை போன்ற ஒவ்வொருவரின் வாக்கும் ஏமாற்றும் கட்சிகளுக்கு இல்லையென.

ஆர் .கே. விமல்ராஜ் மாதவரம்