மெல்லிசை மன்னருக்கு இதய அஞ்சலி
மறைந்தது மெல்லிசை மண்ணிலே
--கலந்தது நல்லிசை காற்றிலே !
உறைந்தது உள்ளங்கள் உலகிலே
--வழிந்தது விழிகள் வருத்தத்திலே !
இசையால் இதயங்களை கவர்ந்தவனே
--இசையுலகை ஆண்ட மன்னவனே !
இசைமழை பொழிந்திட்ட கார்முகிலே
--இசையே அழுகிறது உன்பிரிவாலே !
மெல்லிசையே உம்மை நேசித்தோம்
--தேனான உன்இசையை சுவாசித்தோம் !
திரையினில் இசையினை வாசித்தாய்
--திரும்பிவா எனநாங்கள் யாசிக்கிறோம் !
உடலால் மறைந்தாலும் வையத்தில்
--தமிழர் உள்ளத்தில் வாழ்ந்திடுவாய் !
உந்தன் பேரும்புகழும் நிலைத்திடும்
--உயிர்மூச்சாய் உள்ளத்தில் உலவிடும் !
மெல்லிசை மன்னருக்கு என் இதய அஞ்சலி !
பழனி குமார்
