இல்லாதவற்றையே தேடுகின்றேன்

ஆழ்மனத்தின் அமைதி .
அடிமை படுத்தாத அதிகாரி .

பசியால் வாடாத ஏழை.
பணத்தை விரும்பாத முதலாளி .

யாசகர் இல்லா தெருக்கள் .
ஏசியில் வாழாத அரசியல்வாதி .

பொய் சொல்லாத கணவன் .
புறம் பேசாத மனைவி .

விலைமாது இல்லாத நகரம் .
வியாபாரம் பேசாத திருமணம் .

கண்ணீரே இல்லாத விழிகள் -அதை
காட்டிக்கொடுக்காத முகம் .

சிரிக்க தெரிந்த இதழ் -வலி
சுமக்க முடிந்த இதயம் .

இப்படி இல்லாதவற்றையே தேடி விரிகின்றது -என்னிடம்
இல்லாத சிறகுகள் .!!