சில சமயங்களில் சிதைகிறது மனம்
நான்கு வயது
நங்கை!!!??? சீரழிப்பு....
முதலமைச்சர் நாற்காலியிலும்
ஒரு நங்கை.....
--------------------------------------------------------
விதை வாங்க முடியாமல்
விவசாயி தற்கொலை....
ஆயிரம் கோடி ஏய்த்தும்
சுகமாகச் சுற்றும் முதலைகள்...
---------------------------------------------------------
படித்தவனுக்கு இப்பொழுதெல்லாம்
பிச்சையெடுக்கும் வேலையுமில்லை...
அரசு இந்த ஆண்டும்
அறுபது கல்லூரிக்கு அனுமதி....
-----------------------------------------------------
தலைவனின் படத்திற்கு
குடம் குடமாய் பாலாபிஷேகம்..
பசியில்வாடும் குழந்தைக்குப்
பால் இல்லை ...
--------------------------------------------
மாட்டுக்கறி முரண்
மதச்சாய கொலை....
மாட்டுத்தோல் உபகரணங்கள்
வீடு முழுதும்.
----------------------------------------------
நடிகையைக் காண
கடலென கூட்டம்...
குடி நீர் கேட்க
கூடியதோ நாற்பது..
------------------------------------------
விபத்துடன்
விரும்பி செல்ஃபி
நூற்றியெட்டை அழைக்க
ஏனோ வரமறுக்கிறது...
--------------------------------------------
