மொட்டைமாடி நிலவு
பாட்டியின் முகம் முழுவதும்
கோட்டோவியங்கள்
காலத்தின் சுருக்கம்.
----------
உடைந்த பிறகும்
கம்பீரமாக இருக்கிறது
புகைப்படத்தில் தாத்தாவின் மீசை.
----------
அப்பாவிற்கு தெரியாமல்
அம்மா தரும் பணம்
அன்பால் அச்சிடப்படுகிறது.
----------
எனக்கு முப்பது வயதாகியும்
இன்னும் குறையவேயில்லை
அப்பாவின் அதட்டலும் மிரட்டலும்.
----------
தீபாவளி பொங்கலன்று
புத்தாடை அணிகையில்
அதில் தாய்மாமன் வாசம்.
----------
என் பால்யத்தை நினைக்கையில்
எங்கிருந்தோ வந்து விழுகிறது
அத்தையின் தாவணி.
----------
மார்கழி மாதம்
மொட்டைமாடி நிலவை ரசிக்கமுடியவில்லை
நீயின்றி நான்.
----------
