உறவினர்கள் பல விதம்

உறவினர்கள் பல விதம்.

கை கோர்த்து செல்பவர்கள்
வெகு குறைவே
கையை உதறி விடுபவர்கள்
மிக நிறையவே.

கையைத்தட்டி பாராட்டுபவர்கள்
வெகு குறைவே
கை கொட்டி எள்ளி நகையாடுபவர்கள்
மிக நிறையவே .

கைக்கெட்டும் தூரத்தில் இருப்பது
வெகு பாதகம்
கண்ணுக்கு கெட்டாத தொலைவில் இருப்பது
மிக நயம்,

பலர் கால் தடம் பட்டால் சிறக்காது
பொசுங்கும் அப்போதே.
சிலர் கால் பட்டாலே பொங்கும்
சீரோடும் செனத்தியோடும்

கண்ணாலே கொத்தி குதறி கொன்று
விடுவார்கள் பலர்
கண்ணாலே வாழ்த்தி வருடி போற்றி
புகழ்வார்கள் சிலர்.

கைகளும் கண்களும் வெறும்
உறுப்புக்கள் மட்டும் அன்று
கரங்கள் கொடுக்கும் கெடுக்கும்
கண்கள் வாழ்த்தும் வாட்டும் .


அறிந்து கொள் நல்ல நேரத்திலே
அளித்துப் பேருவகைப்படு
அழித்துச் சிதறவிடாதே