பாவையுருளி - வை வேதரத்தினம்

புதுச்சொல் புனைவோம் !
========================
MOPED = பேடுருளி
========================
முற்காலத்தில் ஒரு ஊரிலிருந்து இன்னொரு ஊருக்குச் செல்ல, மாட்டு வண்டியை நம் முன்னோர்கள் பயன்படுத்தினர்,

பின்பு “சைக்கிள்” பயன்பாட்டுக்கு வந்தது. இதே காலகட்டத்தில் “மோட்டார் சைக்கிளும்” அறிமுகம் ஆயிற்று. ஆனால் இதன் விலை, வசதி படைத்தோர் மட்டுமே வாங்கக் கூடிய அளவுக்கு மிகுதியாக இருந்தது.

எனவே, எல்லா மக்களும் வாங்கக்கூடிய விலையில் ஒரு வண்டியை அறிமுகப்படுத்த வேண்டிய தேவை எழுந்தது. இதனால் ஏறத்தாழ 50 ஆண்டுகளுக்கு முன்பு ”சுவேகா” என்னும் “மொபெட்” அறிமுகம் ஆயிற்று.

இன்றைய நிலையில் “மோட்டார் சைக்கிள்”, ”ஸ்கூட்டர்”, “மொபெட்”, “”ஸ்கூட்டி” என்று பல வகையான வண்டிகள் சாலையில் ஓடுவதைப் பார்க்கிறோம்.

சாலையில் மிகுதியாக ஓடக்கூடிய “மொபெட்” வண்டியைத் தமிழில் எவ்வாறு அழைப்பது ? இதற்குப் பொருத்தமான சொல் இன்னும் அறிமுகம் ஆகவில்லை.

“MOTORISED PEDALING VEHICLE” என்பதன் சுருக்கமே “MOPED” ஆகும். இந்த வண்டி “மோட்டார்” விசையிலும் ஓடும். தேவைப்பட்டால், “பெடலிங்” செய்தும் ஓட்டலாம். இதில் “மோட்டார்” “பெடல்” இரண்டும் இருப்பதால், இதை “மோட்டார் சைக்கிள்” வகையிலும் சேர்க்க முடியாது. “சைக்கிள்” வகையிலும் சேர்க்க முடியாது.

”திருநங்கை” இனத்தை ”ஆண்” என்றோ “பெண்” என்றோ குறிப்பிடுவது இல்லை. இரண்டு இனங்களின் சாயலும் இருப்பதால் இவர்களை “அலி” என்று முன்பு சொல்லி வந்தோம். பிற்காலத்தில், அவர்களும் மனிதர்களே, அவர்களைக் கவுரவமாக நடத்த வேண்டும் என்ற உயர்வான எண்ணத்தில் ”அரவாணி” அல்லது “திருநங்கை” என்னும் பெயர்களால் குறிப்பிட்டு வருகிறோம்.

“மொபெட்” வண்டியும் இவர்களைப் போன்றதே. “மோட்டார்” விசையில் ஓடும் “மோட்டார் சைக்கிள்” சாயலும் இதில் உண்டு. “பெடல்” செய்து ஓட்டுவதால் “சைக்கிள்” சாயலும் இதில் உண்டு.

இவ்வாறு இரண்டு இனங்களின் சாயல் உள்ள உயிரினங்களுக்கு “பேடு” என்று தமிழில் பெயர். “சக்கரம்” என்றால் “உருளி” என்று பொருள். “பேடு” அமைப்பு உடைய “சக்கரங்கள்” இணைத்த வண்டியை “பேடு + உருளி = பேடுருளி” என்னும் பெயரால் இனி அழைப்போமே !

“மொபெட்” என்னும் சொல்லை முற்றாகத் துறப்போம். இனி “பேடுருளி” நம் எழுத்திலும், நாவிலும் இன்னிசை கூட்டி நடனமாடட்டும் !

MOPED...........................= பேடுருளி
MOTOR CYCLE.............= உந்துருளி
SCOOTER.......................= துள்ளுருளி
SCOOTY.........................= பாவையுருளி
=====================================================

“ஸ்கூட்டர்” சக்கரம் மிகச் சிறியதாக இருப்பதால், ஓட்டுகையில் “துள்ளல்” அதிகம் இருக்கும். எனவே இது “துள்ளுருளி”. “ஸ்கூட்டி” பாவையர் எளிதாக ஓட்டிச் செல்ல வசதியாக வடிவமைக்கப் பட்டிருப்பதால், இது “பாவையுருளி”

====================================================
திரு. சோமசுந்தரம் பிள்ளை என் விடுகைக்கு அளித்த பதில்:
ஐயா!.வணக்கம். பாவையுருளியில் பேத்தியின் பாடசாலையிலிருந்து பயணித்துக்கொண்டிருந்ததால் தங்கள் பதிவுக்கு உடன் பதில் பதிய முடியவில்லை.ஐயா அவர்களின் புதுச்சொல் புனைவோம் பகுதியினை தங்களுக்கு பிரதியெடுத்து அணுப்பியுள்ளேன்.மீண்டும் பயணத்தை தொடர்கிறேன்.இன்னும் ஒருமணி நேரத்தில் அமைதிநிலைக்கு வந்துவிடுவேன்.பிறகு ஏதேனும் தேவையென்றால் தொடர்பு கொள்ளுங்கள் ஐயா.!.
===================
எழினியை வாசித்தவர்கள் பாவையுருளி என்றால் என்னவென்று கேட்டார்கள். அதை எழுதிய நண்பரிடமே கேட்டு அவர் எனக்களித்த பதிலையும் கண்டீர்கள். படைப்பை அளித்த நண்பருக்கு நாம் நன்றி சொல்வோம். தமிழ் வளர்ச்சியின் மீது நான் கொண்ட ஈர்ப்பால் தமிழ்ப் பணி மன்ற படைப்புகளை எழுத்தில் பகிர்ந்தளிக்கிறேன். பலரும் பார்க்க அவர்களது படைப்பை பகிர்ந்தளிப்பதே நாம் அவர்களுக்கு சொல்லும் ’நன்றி’

=====
நன்றி: முகநூல் தமிழ்ப் பணி மன்றம்