திரும்பி பாருங்கள்
இன்றும் பசியுடன் தெருக்களில் ஓடிக் கொண்டிருக்கிறோம்
உணவை தேடி,
அயல் நாட்டில் பிறந்திருந்தால் எங்களை வளர்க்க இருக்கின்றனர்
ஆயிரம் கோடி,
மீதமான உணவை கொடுத்தாலே இருப்போம் நாங்கள்
உங்கள் வீட்டு வாசப்படி,
யாரும் இல்லாத அனாதையாய் இருக்கிறோம்,
தாய் நாட்டில் பிறந்து என்ன எங்கள் சாபமா!
எங்களையும் கொஞ்சம் திரும்பி பாருங்கள்
என்று ஏங்குகிறது நாட்டு நாய்கள்.
