கொண்டை சேவல் போகுது
கொண்டை சேவல் போகுது
****கோழி பின்னே தொடருது !
தண்ணீர்க் குளத்தைத் தேடியே
****தாகத் தோடு செல்லுது !
மண்ணில் புழுக்கள் இல்லையோ
****மயங்கி இங்கே வந்ததோ ?
கெண்டை மீனைப் பிடிக்கவோ
****கிளம்பி இரண்டும் வந்தது !
கண்ணில் பட்டால் காலிதான்
****கறியாய் மணப்பீர் வீட்டிலே !
புண்ணாய் நெஞ்சம் வலித்திடும்
****புரிந்து விரைந்தே ஓடுவீர் !
எண்ணம் அறிந்து செயல்பட
****என்னால் முடிந்த உதவியே !
வண்ண உலகில் மகிழ்ச்சியாய்
****வாழ்க நீவிர் இருவரும் !!!
