பொற்சிலை

அனைவரும்
பாலில் குங்குமப்பூ
கலந்து குடிக்க
இவளின் தாய் மட்டும்
குங்குமப்பூவில் சிறிது
பால் கலந்து குடித்தாளோ ?

அனைவரும்
விலை குறைந்த
பூக்களையே சூடிக்கொள்ள
இவள்மட்டும்
மலை குறிஞ்சிப்பூவைச் சூடினாள்
அனைவரையும் கொல்ல


இவள்
மரத்துப் பூக்களைச் சூடினால்
அதுதான் மரபுக்கவிதை
அரளிப்பூக்களைச் சூடினால்
அதுதான் அரபுக்கவிதை

இவள்
புத்தாடை அணிந்தால் புதுக்கவிதை
சிற்றாடை அணிந்தால் சிறு கவிதை

இவள்
தலையில் உள்ள பூ தான்
என் கவிதைகளின் தலைப்பு
இவள் இமயத்தின் உச்சியில் மட்டும்
கிடைக்கும் மலைப் பூ
இவளைக் காணும் இமைகளுக்கு மட்டும்
கிடைக்கும் மலைப்பு

மகாபலிபுர பல்லவ கற்சிலைகளுக்கு
மத்தியில் இவள் பல்லைக்காட்டி
நடந்து செல்லும் பொற்சிலை

அவள் அவயம் வைத்த
முட்டைகளை மட்டும்
மயில் குஞ்சுகளாய்ப் பொரித்தது
அவள் வீட்டுக் கோழி

அவள் பதுக்கி வைத்த
அதிரசத்தை மட்டும்
அமுதமாய் மாற்றியது
அவள் வீட்டுத் தாழி

அவள் புத்தகத்தினுள் வைத்த
மயிலிறகு குட்டி போடாமல்
ஆண்களையெல்லாம் கட்டிப்போட்டது
அடிக்கடி அவள் அழகைக்காண
எட்டிப்பார்த்தது