விழி _அனுப்பும் _ தூது

கவின்மிகு கலையரசி ​கன்னியவள்
எழில்மிகு ஒப்பில்லா ஓவியமவள்
செதுக்கிட்ட சிங்கார சிலையவள்
விழிவழியே விடுகின்ற தூதுமது
வழிதேடி அலையாமல் வந்ததும்
கருவிழிகள் மலருது களிப்புடன்
கழியின்றிக் கூத்தாடும் உருவமாய்
மொழியின்றித் தவிக்கும் உயிராய்
பதில்கூற முடியாமல் துள்ளியது
உணர்வுகளை தட்டி எழுப்பியது !

மடலுக்கு மடலெனில் எழுதிடலாம்
கேளிவிக்கு பதிலொன்றும் கூறலாம்
விழிகளும் விழியோடு மோதியதால்
பழிதீர்க்கும் படலம் தோன்றவில்லை
காத்திருந்தக் கண்களாய் பணிந்தது
பூத்திருந்த புதுமலரின் வரவையும்
மண்டியிட்டு வணங்கும் பக்தனாய்
வரவேற்று மகிழ்ந்தது உள்ளமும் !

எதிர்பாரா நிகழ்வால் வியந்தது
கதிர்வீசும் சூரியனாய் உதித்தது
மறுக்காது மறுவினாடி உரைத்தது
இதுவரை இல்லா இன்பமென்று
விழிமூலம் முகிழ்ந்தக் காதலால்
வழிந்தது இதயம் ஆனந்தத்தால்!

பழனி குமார்