எண்ணெய்க் குளியல் - கிராமியக் கவி
எண்ணெயினைத் தேய்த்து விடு கண்ணம்மா
என்னுடம்பு சூடு தணிந்திடுமே கண்ணம்மா
சீயக்கா நல்லதடி கண்ணம்மா
சீராகும் நோய்களெல்லாம் கண்ணம்மா !
மனசெல்லாம் குளுருதடி கண்ணம்மா
மாறிவிடும் வெந்தழலும் கண்ணம்மா
நீராட எம்மவனும் காத்திருக்கான்
குளுப்பாட்டு எண்ணெய் வைச்சு கண்ணம்மா !
புள்ளக்கெல்லாம் சனிக்கிழம குளிப்பாட்ட
புதுத் தெம்பு வந்திடுமே கண்ணம்மா
வாடி புள்ள என்னருகே கண்ணம்மா
நாடி வந்து நலன்சேரு கண்ணம்மா .
செவந்த கண்ணும் சீராகும் கண்ணம்மா
செழுமையான மலர்ச்சி வரும் கண்ணம்மா
நிசமான குளர்ச்சி தரும் கண்ணம்மா
நமக்கு வேணும் எண்ணெய் குளியல் கண்ணம்மா !!
ஆக்கம் :- பைந்தமிழ்ப் பாமணி . சரஸ்வதி பாஸ்கரன்
