கவிதையாகி வா காதலிக்க
....கவிதையாகி வா காதலிக்க....
விழி வழியாய் வாக்குமூலம்
தந்தவளே கவி மொழியில்
உன் காதலதைச் சொல்வது
எப்போதடி...!
என் இதயக் காகிதத்தில்
ஒரு வரிக் கவிதை நீயும்
எழுதிட வருவாயா..
ஓயாமல் அலை பாயும்
மனதிற்கு ஒத்தடங்கள்
கொடுத்திட வியர்வைத்
துளிகள் சிந்தாத
செவ்விதழ்களைத்
தான் தருவாயா...!
வலிகளுக்கு நிவாரணம்
தேடி அலைகிறேனடி
தலை சாய்த்து நான் தூங்க
காதல் தலையணை நீ
கொண்டு வருவாயா...!
என் கிறுக்கல்களுக்கு
விடுமுறையளித்துக்
காத்திருக்கிறேனடி
எனை கவிதையாக்கி
காதலிக்க நீ வருவாய்
எனும் நம்பிக்கையில்...!
-உதயசகி-
யாழ்ப்பாணம்
