காதல் பார்வை

உனக்கும் எனக்கும் இடையில்
இந்த பாழாய் போன
நகரங்கள் புகுந்து
நம்மை பிரித்துவிட்டதடி

விடை தெரியா
வினாக்கள் நிரம்பிய
தேர்வு நேரங்களைவிட நெடியதாகவும்
வழி அறியா வீதியின்
போக்குவரத்து நெரிசலில்
சிக்கித் தவிக்கும் நொடிகளைவிட
கொடியதாகவும் உள்ளதடி
நம் பிரிவு.

நீ எனக்கு அனுப்பவும்
நான் உனக்கு அனுப்பவும்
சொடுக்கும் சுயபடங்கள்
நம்மை கேட்கிறதடி
என்ன செய்ய

நமக்குள் புகுந்த
இந்த பாழாய் போன நகரங்களை
தகர்க்க வழி தேடிக்கொண்டே இருக்கிறேன்
நீயும் தேடு
நம் காதல் வழி சொல்லும்


@ஜெகதீஷ்