முத்துக்கள் சிரிக்கும் புன்னகைப் புத்தகம் நீ
நிலவு நீ
நிலவு நீரோடையில்
நீந்தும் கயல்கள் நீ !
நினைவு நீ
நெஞ்சின் நினைவலைகளில்
கொஞ்சும் காதல் நீ !
பார்க்கும் விழி நீ
பழகும் தமிழ் நீ பழகும் தமிழில்
அமுதம் தரும் கவிதை நீ !
நெஞ்சம் நீ
நெஞ்சின் அலைககளில் தவழ்ந்து வரும்
நேசக் காதல் தீபம் நீ !
வானம் நீ
வானவில் நீ வானவில் நிறங்கள் தோற்கும்
மேனி எழில் நீ !
செம்பவள இதழ்கள் நீ
பவள இதழ்களில் உருளும் முத்துக்கள் நீ
முத்துக்கள் சிரிக்கும் புன்னகைப் புத்தகம் நீ !
