நீயே விடை

நீள அகலங்கள் தான் - உன்
அழகின் அர்த்தமென - இவ்வுலகம்
உன்னை அளவு செய்து பொம்மையாக்கும்
உன் புன்னகை மட்டும் போதுமிங்கு

வட்டம் ஒன்றை வரைந்து விட்டு
மையத்தில் உன்னை நிற்க சொல்லும்
கற்பு என்று ஏதுமில்லை வெறும்
கற்பனையே யாவுமிங்கு

உழைக்க உன்னை அனுப்பிவிட்டு
பின்னே உன்னை வேவு பார்க்கும்
உலக தொடக்கம் நீயே எனின்
உனக்கு ஏது தேவை துணை

நீ வாழும் உலகம் மெத்தபெரிது
இயற்கையின் மிச்ச வளம் மொத்தமுனது
இன்று முடிவெடு - உன்
அத்தனை வினாக்களுக்கும் நீயே விடை!