வயிறு

இந்த வயிற்றுக்காத் தான்
நாம் படும் பாடுகள் எத்தனை
பிறர் வயிறு காயக் கூடாதென
காயும் வெயிலில் மாயும்
விவசாயிகள் தான் எத்தனை
வயிற்றுக்காக கூலிப்படையாய் சேர்ந்து
தூக்குக் கயிற்றை முத்தமிட்ட
இதழ்கள் தான் எத்தனை
அறிவு மறுத்தும் மனம் கணத்தும்
வயிற்றுக்காக வலையில் சிக்கிய
உடல் வியாபாரிகள் தான் எத்தனை
வாசிக்கத் துடிக்கும் வாலிபத்தை
வறுமையின் கைகளில்
வாரிக் கொடுத்த வயிறு இது
ஆனால் பிறர் வயிற்றை நிரப்பச் செய்து
நம் மனத்தை நிரப்பும்
தொப்புள் கொடி கயிறு இது