முதுமொழிக் காஞ்சி 22

குறள் வெண்செந்துறை

ஆர்கலி யுலகத்து மக்கட் கெல்லாம்
மீப்பி லோரை மீக்குணம் பழியார். 2

- பழியாப்பத்து, முதுமொழிக் காஞ்சி

பொருளுரை:

மேன்மைக் குணம் இல்லாரை மேன்மை செய்யாமையை யாவரும் பழியார்.

பதவுரை: மீப்பு இலோசை - மேன்மைக்குணம் இல்லாதவரது,

மீக்குணம் - மேன்மையானவற்றைச் செய்யும் இயல்பில்லாமையை,

பழியார் - எவரும்பழித்துரையார்.

கீழ்மக்களிடம் மேலோர்க்குரிய குணமும் செய்கையும் இல்லாமையை எவரும் பழித்துரையார்.

மீக்குணம் என்பதை மீச்செலவு என்பதுபோல வரம்பு கடந்த செய்கையைச் செய்யும் இயல்பு எனக்கொள்வது பொருந்தும்.