காதலா சாதலா

காதல்..
நீ விடையா?
இல்லை
விடையறியா விடுகதையா?

காதல்..
நீ மழலையின் சிரிப்பா?
இல்லை
பருவத்தின் சிலிர்ப்பா?

காதல்..
நீ பெண்ணின் சிறகுகளா?
இல்லை
அவள் அகப்பட்ட சிறையா?

காதல்..
நீ ஆணின் தன்மானமா?
இல்லை
அவன் தனிமையின் தாபமா?

காதல்..
நீ அனாதை இல்லங்களின் சாபமா?
இல்லை
சமுதாய அவலங்களின் சீர்கேடா?

காதல்..
நீ மனங்களோடு முடங்கிப்போவாயா?
இல்லை
மண்ணோடு மட்கிப்போவாயா?

காதல்..
உனக்காக வாழ்பவர்கள் சிலர்...
உன்னோடு வாழ்பவர்கள் சிலர்..
உன்னால் வாழ்பவர்கள் சிலர்..
ஆனால்..
உனக்கும் சேர்த்து காதல்
செய்பவர்கள் பலர்!
அவர்களின் இதயத்தின்
கணம் சற்று அதிகம்..
அவ்வப்போது அவர்களையும்
காதலித்துப் பார்!