அவள் அழகு
அவள் அழகில் எது
மிக அழகு என்றால்
அவளேதான்
அவள் கண்கள்
கயலையும், மான் விழியையும்
தோற்கடிக்க, அவள் கண்கள் அழகு
நிலவோடு போட்டியிட்டு
வெற்றிபெற்றது அவள்
மாசிலா ஒளிர்முகம்
செவ்வாயோ கொவ்வைப்பழம்
வஞ்சிக்கொடி அவள் இடை
அதனால் வஞ்சி அவள்
பாதாமிரண்டும் தாமரை
கமலி அவள்
இப்படி தனித்தனியாய்
அழகாய் மிளிரும் அவள் அங்கங்கள்
ஒன்று சேர அவள் 'அவளானாள்';
அதனால் அவளில் அழகு மிகுந்தது
அவளே தான்
