காசில்லாத நிலைமையோ
வாகனங்களுக்கு
வழிவிடாமப் போனாலும்
தெருக்களுக்கு
பெருமை சேர்க்கும்,
சின்னக் குழந்தைகள்
சேர்ந்து விளையாட இடமளிக்கும்
சந்துகளுக்கு பின்னாலும்
சரித்திரம் உண்டு
வெய்யிலின் சூடு படாமல்
வெளிச்சம் காணும் சந்துகள்
ஊர் கதை பேசி மகிழ
ஓய்வு நேரத்தில் மாதரை
வாசலில் அமர வைக்கும்,
ஓடாத சாக்கடை நீரால்
உயிர் பிச்சை தந்து
கொசுக்களை வாழ வைக்கும்
காசி சந்துகளில் கூட
கண்டபடி சுற்றி திரியும்
மாடுகள் அத்தனையும்
மரியாதை தெரிந்தவைகள்,
முறைப்படி கற்காதபோதும்
முட்டாது, உரசாது—இது
காசியோட மகிமையோ,
காசில்லாத நிலைமையோ !
