விளைச்சல்

===========
பாரத்தை இறக்கி வைக்க
-பதைத்திடும் இதய மெல்லாம்
தூரங்கள் அருகில் என்றே
-தொடங்கிய பயணம் யாவும்
வாரங்கள் மாதம் தாண்டி
-வரையறை யற்று நீண்டு
ஈரத்தை கண்ணில் வார்க்கும்
-இயல்பது வாழ்க்கை யாகும்
**
வாழ்க்கையின் நிலத்தில் என்றும்
-வறட்சியே நிலவி னாலும்
சூழ்ந்திடும் கோடை மாற்ற
-சுகமுள நதியைத் தோற்று
வீழ்ந்திடும் கவலை விதைகள்
=வெற்றியின் வேர்கள் ஊன்ற
ஆழ்ந்துனை நீயே தோண்டு
-அற்புத விளைச்சல் காண்பாய்!
**