நகைச்சுவை துணுக்குகள் 10
கம்பெனி ஆபீஸர்: என்னய்யா இது? என்ன பண்ணியிருக்கே?
புதிதாக வேலைக்குச்சேர்ந்தவர்: நீங்க தானே சார் கேட்டீங்க குறைஞ்சது மூணு கொடேஷனாவது வேணும்னு. அதான் நான் அஞ்சு கொடேஷன் கொடுத்திருக்கேன் சார். ஷேக்ஸ்பியரிலே இருந்து ஒண்ணு, ஜான்ஸனோடே கொடேஷன் ஒண்ணு...
க. ஆபீஸர்: நிறுத்து. உன்னை நம்ம ஆபீஸுக்கு வேண்டிய ஸ்டேஷனரிக்கு கொறஞ்சது மூணு கொடேஷனாவது வாங்கச் சொன்னா ஷேக்ஸ்பியர், ஜான்ஸன்னு சொல்லிக்கிட்டு இருக்கே. இதை யாரையா கேட்டா?
கம்பெனி அஸிஸ்டண்ட்: அது தாங்க டிரபிள், காலேஜூலே இருந்து நேரா நாம வேலைக்கு ஆட்களை எடுத்தா.
***************
சௌகரியமாக இருக்கற தன் வீட்டை எதுக்காக அவர் விக்கிறாரு?
தன் பையனைப் படிக்க வெக்கறதுக்காக.
எதுக்காக பையனைப் படிக்க வெக்கறாரு?
அவன் நாளைக்கு ஒரு வீடு வாங்கி சௌகரியமா இருக்கத்தான்.
**************
என்னோட மனைவியோட பல்லைப் பிடுங்கணும்னு டாக்டர் சொல்லி இருக்கார்.
அதனால என்ன? பல்லைப் பிடுங்கிட வேண்டியதுதானே.
இல்லே. அவளோடே நாக்கைப் பிடுங்கணும்னு சொல்லி இருந்தா சந்தோஷப் பட்டிருப்பேன்
****************
உனக்கு கிளாஸ் எடுக்கற ப்ரொஃபஸர் பேர் என்ன?
இன்னும் நாங்க அவருக்குப் பேர் வெக்கலை!
*************