விடைதெரியாக் கேள்விகள்!
(முதியோர் இல்லங்களுக்கு சென்றதுண்டா?
சென்றிருந்தால் புரியலாம்)
வாழ்வின் விளிம்புகளில்
வயதைத் தொலைத்து,
பிஞ்சுகளின்
நஞ்சு உள்ளம்
கண்டு கொதித்து,
வெம்பி, வதங்கி,
கிடக்கிற அனுபவக் குப்பைகள்!
ஆம்! குப்பைகள்,
இடைவிடாத காத்திருப்புகள்!
அந்த ஒருநாள் என்று
வரும் என்று! -வந்தால்
வருவார்களா?
இறுதிச்சடங்குகள் முடிப்பதர்க்கேனும்!!!
காணக்கிடைக்குமோ - தம்
கன்றுகளின் தளிர்களை?
கடவுளின் அடிசேரக்
காத்திருப்போர் பட்டியல்
இங்கிருந்தே
தொடங்குகிறது!
யார் முந்துவர்?
யார் பிந்துவார்?
போட்டி இங்கேயும்
நடக்கிறது!
முகத்தின் சுருக்கங்கள்
காலம் உழுதுபோன
சுவடுகள்!
இறப்பை எதிர்பார்க்கும்,
மறுமையை எதிர்க்கும்,
ஏதுமறியா உள்ளங்கள்
இளைப்பாறும் இடம் - இது
முதியோர் இல்லம்!
