சிறுவர்கள் நாங்கள் - கே.எஸ்.கலை
நிறுக்கப் படாத வித்தைகள் கொண்ட -
பழுது படாத வித்துக்கள் நாங்கள் !
ஆலம் வித்தாய் அகிலம் வந்தோம் -
ஆயிரம் விருட்ச்சங்கள் அகத்தில் கொண்டோம் !
முழங்காலில் நடந்துக், கொஞ்சம் முதிர்ந்து -
மூளைக் கிளை பரப்பி, முளை விட்ட தளிர்கள் !
வித்தைகள் விதைக்க இடம் கொடுங்கள் – அதை
விற்பனை செய்யவும் இடம் கொடுங்கள் !
சரித்திரம் படைக்க சாலைகள் தேவை -
சாலைகள் தோறும் மாலைகள் தேவை !
மேற்கில் புதைத்தால் கிழக்கில் பிறக்கும் -
பகலவன் போன்ற சிறுவர்கள் நாங்கள் !
