நாடுவோம் நல்வழி ...!
பாடு பண்பாடு அதைக் கட்டிக் காப்பது
பெரும்பாடு !
நாடு நன் நாடு அது வளர்ந்து வருவது
நம்மோடு !
தேடு புகழ் தேடு அதைப் பேணிக் காப்பது
உன் பேறு !
ஓடு நீ ஓடு அது நின்று விட்டால் - நீ
வெறும் கூடு !
கூடு நீ கூடு நல்ல நண்பர் கூட்டம்
அதில் கூடு !
கேடு பெரும் கேடு இதை அறியாவிட்டால்
பெரும் கேடு !
கோடு ஒரு கோடு அதை போட்டு வாழ்ந்தால்
ஏது கேடு !
மூடு நீ மூடு உன் அறியாமையை
மண்ணோடு !
ஏடு நல் ஏடு அதை கற்றால் துணைவரும்
உன்னோடு !
காடு இடு காடு நல்ல சொந்தம் நிற்கும் - உன்
சவத்தோடு !
ஆண்டு பல்லாண்டு உன்புகழைப் பேசும்
அன்போடு !
