எண்ணம் சமர்ப்பிக்க Login செய்யவும்.

தன்முனைக் கவிதைகள் ******************************* . உனக்கான மனச்சோலையில் எப்போதுமே...

தன்முனைக் கவிதைகள்

*******************************

. உனக்கான மனச்சோலையில்
எப்போதுமே இசை மீட்டுகிறது
வாழ்வியல் கிளைகளின்
நினைவுக் குயில்கள்

• உனது விழியிரண்டில்
துள்ளும் கயல்கள்
இன்னமும் எனது தூண்டிலில்
சிக்காமல் தப்புகிறது

• நெற்றியில் சூட்டிய சுட்டி
என்னையே சுட்டிக் காட்டுகிறது
ஓடி ஒளிந்து கொள்ளவில்லை
உணர்வுகளால் தலை நிமிர்கிறேன்

• பொன்னகைகள் சுமந்த
முகத்தில் பளிச்சிடுகிறது
முத்துப் பற்கள் உதிர்க்கும்
உனது புன்னகை மலர்கள்

• அழகுக்கு அழகு செய்ய
துணிந்தவர்கள் யார் ?
வெட்கமுடன் தலைகுனிகிறது
ஆபரணங்கள் !

• உனது புருவ மலைகளில்
புறப்படும் ஆதவனாய் குங்குமம்
எனது வாழ்வின் விடியலில்
சங்கமிக்கிறது நாள்தோறும்

• பெண்மையின் இலக்கணத்தில்
அணிசேர்த்து அழகுபார்க்கின்றன
நன்மக்கள் பேற்றுடன்
தாய்மையின் அரவணைப்பு

.....கா.ந.கல்யாணசுந்தரம்

பதிவு : கா.ந.கல்யாணசுந்தரம

நாள் : 22-Aug-18, 2:41 am

மேலும்