தமிழக எம்பிக்களுக்கு பாராட்டு விழா நடத்திய டெல்லி தமிழ் சங்கம்

தமிழக எம்பிக்களுக்கு டெல்லி தமிழ் சங்கம் பாராட்டு விழா நடத்தியது. இதில், டி.ரவிகுமார் தவிர திமுக மற்றும் மார்க்சிஸ்டு கம்யூனிஸ்டு கட்சியின் எம்பிக்கள் எவரும் கலந்து கொள்ளவில்லை.

ஒவ்வொரு மக்களவை தேர்தலுக்கு பின்பும் தம் மாநிலத்தில் இருந்து வென்ற எம்.பிக்களுக்கு டெல்லியில் உள்ள பல்வேறு மாநில சங்கங்கள் பாராட்டு விழா நடத்துவது வழக்கமாக உள்ளது.

இந்தவகையில், டெல்லி தெலுங்கு சங்கம் ஜுலை 16-ல் தம் மாநில எம்பிக்களுக்கு பாராட்டு விழா நடத்தி இருந்தனர். இதையடுத்து டெல்லி தமிழ் சங்கம் சார்பில் நேற்று மாலை தமிழக எம்.பிக்களுக்கும் பாராட்டு விழா நடத்தப்பட்டது.