புவியெங்கும் விதைத் தூவும் பறவை இனங்களே
இம்மொட்டுகளை இங்கு விதைத்தது யார் அறிவீரோ???

காப்பகத்தில்
பிஞ்சுகளெல்லாம் கைதிகளாய்,
தீர்ப்பெழுதியது
காலமும் காமமும் ..!!!!

சிறைவாசி
சிறைக் கம்பியை எண்ணுகிறான்
இப்பூக்களெல்லாம்
ஜன்னல் கம்பியை எண்ணுகிறது..!!!

ஒரே கூட்டில் சிறைப்பட்ட
இக்குஞ்சுளுக்கு...

தலைசாய்த்திட தாய்மடியில்லை
தரையே
தலையணையும் தாய்மடியுமாய்..!!!

உணவும் உறைவிடமும்
இலவசம்
உணர்வுகளும் கனவுகளும்
அடுப்பில்..!!!

நேசிப்பாரில்லா இம்மலர்களெல்லாம்
அரசியல்வாதிகளின்
பிறந்தநாளுக்கு விளம்பரம்
கட்டணமாய் ஒருவேளை சாப்பாடு...!!!

கலியுகமிது
வேலியே பயிறுகளை மேய்கிறது
வேலியில்லா
இப்பூந்தோட்டத்தின் நிலையென்ன..!!!


இல்லையென்று வருந்துவோரெல்லாம்
வாருங்களிங்கே
ஆயிரம் குரல்கள் அம்மா என்றழைக்க
ஆயிரம் கரங்கள் கண்ணீரை துடைக்க..!!!

இக்கண்ணீர் பூக்களுக்கு
அன்பை காணிக்கையாக்குங்கள்..!!