அவளுக்கு தெரியாமல் அவளை பற்றி...!!!
அவள் வரும்போதெல்லாம்,
திருடன் போல் நிலா ஓடி மறைகிறது,
எங்கே தான் திருடிய இதயம் திருப்பி
கேட்டு விடுவாளோ என்று..!!
அவள் சிரிக்க மறந்து யாரும் பார்த்ததில்லை,
ஒருவேளை அவள் மறந்துவிட்டால்,
வானில் நட்சத்திரங்களின் நிலைமை
என்ன ஆகுமோ..???
பூக்கள் கண்ணீர் சிந்தும்
அதிசயம் பார்க்க வேண்டுமா.??
அவள் பறிக்கும் போது விட்டு சென்ற
பூக்களை வந்து பாருங்கள்..!!
அவள் கடற்கரைக்கு போனால்,
கடற்கரையும் அவளுடன் திரும்பி வரும்,
அள்ளி சென்ற மணலை வாங்க அல்ல,
விட்டு சென்ற சிரிப்பை திருப்பி தர..!!
