மேலும்

நிலைமையினாலே

விலைமகள் ஆனேன்.

குடல்பசி தீர்க்க, நான்

உடல் பசி தீர்த்தேன்.



திசை பிசகியதாலே

சிதைந்ததென் தசை.

எள்ளும் உலகில் காலூன்ற

எத்தனித்தேன்.

உள்ளம் செத்த உடம்பை

ஊருக்களித்தேன்.



சூழ்நிலை, சதிவலை,

பிறந்து வந்திங்கே,

பிறழ்ந்து விட்டேன்.



கதவடைத்து புறந்தள்ளியதாலே,

கதவிலா வீட்டில் கடைவிரித்தேன்.

படுத்த படுக்கையான கணவன்.

பசியோடு நான் பெற்ற பிள்ளை.



துக்கம், தூக்கம், மறைத்து,

ஏக்கம், தாபம், புனைந்து,

விடியலின் முடிவு தெரியாது,

துடித்து நித்தம் துவள்கிறேன்.



முகத்தை அழகாக்கி,

அகத்தை அழுக்காக்கி,

சுகத்தை விருந்தாக்கி,

தேகத்தை வெறுப்பொடு விற்கின்றேன்.

மேலும்

மேலும்

மேலும்

நீ
ஒரு துளி நீர் தந்தாள்
நீரூற்றை தருவாள்!

நீ
ஒரு கை நீட்டி அணை
தன் இரு கரங்களையும்
கொண்டு அணைப்பாள்!

நீ
ஒளிர நினைத்தால்
உனக்காக உருக நினைப்பாள்!

நீ
சிந்திக்கவே இல்லையெனினும்
உனை மட்டுமே சிந்தையிலே
வைத்திருப்பாள்!

நீ காட்டும் ஒருதுளி அன்புக்கு - தன்
வாழ்வு முழுவதும் அடிமையாகியிருப்பாள்!

பெண்மை..!
அவளை ஓர் அணுவேனும்
புரிந்து கொள்ளும் ஆண்மைக்கு
என்றென்றும் அவள் அடிமையே!

சிற்சில இன்பங்களை கூட தொலைப்பாள்;
உனக்கான பற்பல இன்பங்களை தேடித்தர!
பெண்ணிற்கு விலையாக அன்பை மட்டும் கொடு,
அதற்க்கு வேறெதுவும் தேவை இல்லை!

பூவாய்,கனியாய் இருக்கும் பெண்ணை
கல்லென மதிக்காதே - அது
உன்னை நோக்கி வந்தால்
தாங்குவதற்கு முடியாது உன்னால்!.........
 

மேலும்