அன்பு செல்லமே

அன்பு செல்லமே.. உன்னோடு தான்
என்றென்றும் வாழ விரும்பினேன்.
எந்தன் நெஞ்சிலே நீ வந்ததும்
என்றென்றும் உன்னை நினைக்கிறேன்.
உன் சுவாசம் தீண்டும் போது
பெண்மையாகிறேன்.
உன் பார்வை நீளும் நேரம்
வெட்கம் கொள்கிறேன்.
இருந்தும் என் நெஞ்சிலே - சில காயமென்னவோ
நீ வந்த சுவடின் வண்ணமோ ?

கண்கள் மூடினேன்
அந்த இருளில் தெரிகிறாய்.
மேகமூட்டமாய் என் நெஞ்சில்
மெல்ல வருடினாய்.
என் இதழ்கள் பேசும் வார்த்தை
உன் பார்வை தின்னுதே.
நீ மெல்ல சீண்டும் போது
என் உள்ளம் மகிழுதே.
நானாக இருந்தபோது - எனக்கு
நாதியில்லையே.
நீ வந்து சேர்ந்த பின்னே - நாம்
பாதியில்லையே.
இருந்தும் என் நெஞ்சிலே - சொல்
காயம் நேருதே.
உன் குரல் கேட்குமந்த நொடியில்
காயம் மாறுதே.

மேகம் என்பது வெறும்
பெண்ணிற்குவமை இல்லை,
உன்னை கண்டதும் என் எண்ணம் மாறுதே.
மேக கூட்டமெல்லாம் - உந்தன்
அன்பின் சின்னமோ?
என் சுவாசம் தீண்டும் போது துளி வீழுதே.
உண்மை காதல் எங்கு எங்கு ?
நானும் தேடினேன்.
என் ஜீவன் கொள்ளும் காதல்
உண்மை என்கிறேன்.
என் ஆசையெல்லாம் சொல்ல இந்த
ஜென்மம் போதவில்லை.
இருந்தும் உன் இதழில் சொல்ல நினைக்குறேன்..
இருந்தும் என் நெஞ்சிலே.
சில வெட்கம் குட்டி போடுதே.
உன்னை சேருமந்த நாளை தேடுதே!