மனிதகுலம் நேசிப்போம்

விழி இரண்டு
காட்சிகள் ஆயிரம்
ரசனைகள் பல்லாயிரம்
விண்ணை ரசித்தாய்
மண்ணை ரசித்தாய்
பொன்னை ரசித்தாய்
பெண்ணை ரசித்தாய்
கண்ணாடி முன் நின்று
உன்னையும் ரசித்தாய்
ஜெனிபர் லோபெஸ் முதல்
ஜெனிலியா வரை ரசித்தாய்
நித்யதேவன் முதல்
நித்தியானந்தா வரை ரசித்தாய்
ஆர் பி ஜி செல்லுலர் முதல்
ஐ போன் 5 வரை ரசித்தாய்
நன்மையும் ரசித்தாய்
தீமையும் ரசித்தாய்
விழித்தெழுந்து இரவு
விழி மூடும் வரை
காட்சிகள் ஆயிரம்
ரசனைகள் பல்லாயிரம்
என்றேனும் யோசித்ததுண்டா
சில மணி நேரம் பார்வையின்றி இருந்தால்
அப்பொழுதும்
விழி இரண்டு - ஆனால்
காட்சியும் ஒன்று
ரசனையும் ஒன்று
எல்லாமே இருள்தான்!
இமைப்பொழுதுகூட உன்னால்
இருளோடு இருக்க முடியாது
பிறவிக்குருடன் நான் - என்
வாழ்வே இருட்டுதான்!
கருப்பா? சிவப்பா?
நெட்டையா? குட்டையா?
எதுவும் நானறியேன்!
உன்னால் ரசிக்கபட்டவைகளில்
எனக்கு விருப்பமில்லை
சில நொடி எனையீன்ற
அன்னையை காண வேண்டும்
சில நொடி எனை படைத்த
இறைவனை சாட வேண்டும்
மறு நொடி ஆனந்தத்தில்
உயில் மாள வேண்டும்
இக்காலம் இன்புற்று
நின்காலம் முடியும் போது
நின் விழி தருவாயோ!
என் ஆசை தீர்ப்பாயோ!
மாண்டு போன மாந்தர்கள்
விழிதானம் செய்திருந்தால்
எனை போன்ற குருடர்கள்
என்றொரு வார்த்தை இங்கில்லை
யோசிப்போம்
மனிதகுலத்தை
நேசிப்போம்!