வானம் நோக்கிக் காத்திருப்போம்
வண்ணமிகு மாலைப் பொழுதா
வசந்தமிகு மனதின் எழுச்சியா !
வானவில் விரிந்திட்ட வானமா
வாழ்வின் நிறம் கலந்த நேரமா !
வானத்தின் வர்ண கோலாட்டமா
வர்ணங்கள் வானத்தில் தஞ்சமா !
வர்ணங்கள் மாற்றிய ஓவியமா
வானம் பேசும் வண்ணக் காவியமா !
வாழ்வில் நாமும் காண முடியுமா
வாடைக் காற்றுடன் வண்ணங்களை !
வண்ணம் மிகுந்த எண்ணங்களுடன்
வானம் நோக்கிக் காத்திருப்போம் !
