மாறவேண்டும் இந்நிலை
சிறகடிக்கும் சிந்தையுடன் சிறார்கள்
சிதறிய உள்ளமுடன் உலா இங்கே !
நிச்சயமிலா வாழ்கையில் இங்கே
நியதியற்ற சாதிமத சச்சரவுகள் !
அறிந்திடா எதிர்காலத்திற்கு என்றும்
அளவிலா ஆசையுடன் எண்ணங்கள் !
வழியறியா வருங்காலம் எண்ணி
வாங்கி குவிக்கும் சொத்துக்கள் !
ஏங்கிடும் ஏழைகளோ என்றும்
ஏறுவரிசை எண்ணிக்கை இங்கே !
குற்றம் புரிபவரும் நாளுமிங்கே
குறுநில மன்னராய் மாறுவதிங்கே !
நேர்மையாய் வாழ நினைப்பவரும்
நேர்வழியை தேடுகிறார் இங்கே !
சுயநல நெஞ்சமோ பெருகுகிறது
பொதுநல உயிர்களோ மறையுது !
போராடி பெற்றிட்ட சுதந்திரமோ
பொறுமை இழந்து தவிக்கிறது !
மாறவேண்டும் இந்நிலை இங்கே
காணவேண்டும் நாமும் காலத்தே !
பழனி குமார்
