வானம் வசப்படும்
நிமிர்ந்து நில்-நீ
குனிந்தால் குட்டுவதற்கு
ஒரு கூட்டம்இருக்கும்!
குறைகள் கண்டுகலங்காதே
நிறைவுகளின் திருப்தியில்
நிறம் மாறாதே.
திறமை வானில் பறந்து போ
உன்னை உயர்த்திய கைகளை
மறந்து விடாதே.
செய் நன்றி மறவாதே-கெட்ட
சேற்றில் கால் வையாதே
உள்ஒன்றும் புறம்ஒன்றும்பேசாதே.
நல் வழியில் நடைபோடு
நாலு பேர்க்காவது
உதவி செய் .
உழைத்துக் களைத்து
உண்பதைப் பகிர்ந்துண்டு
உள்ளத்தில் நிறைவு கொள்
வெற்றியை எளிதாக்கு
வாழ்வை உனதாக்கு-இனி
வானம் உன் வசப்படும்!
