விடியல் வருவது எப்போது
நட்டுவைத்த நாற்றுக்கள் எல்லாம்
நெல்லாவதில்லை - விளைந்த
நெல் மணிகள் எல்லாம் -விவசாயியின்
வீட்டுக்குப் போவதில்லை
சேற்றின் ஈரம் கையில்
காயும் முன்னே -விவசாய
நிலங்கள் எல்லாம் விற்றுப் போய்
வீடு கட்டும் வீட்டு மனைகலாயின
உழுதவனோ கஞ்சிக்கு வழி இல்லாமல்
கட்டிய கோவணமும் களவாடப்பட்டு
ஓலைக் குடிசைக் குள்ளே
ஒண்டிக் கொள்ளும் பரிதாப நிலை
அறிவியல் வந்து பயன் என்ன ...?- அணுவைப்
பிளந்த ஆற்றலால் ஆவதென்ன .....?
கணினி வந்து கற்றுக் கொடுத்ததென்ன...?
சட்டங்கள் வந்து சாதித்ததென்ன ....?
சாதி மதங்கள் வந்து சாயம் பூசுவதென்ன ..?
வெறும் கனவால் பொழுதுதான் விடிந்தது
விவசாயிகளின் வறுமைக்கு
விடியல் வருவது எப்போது ...?-உழுதவனின்
வயிறு நிறைவது எப்போது ......?
