காதல் தினம்
நாளைப் பூக்கும்
பூக்கள் எல்லாம்
நம் காதல்
சொல்லிப் பிறக்கட்டும் !
வீசும் காலைத்
தென்றல் சேர்த்தணைத்து
நாம் மகிழ்வோம்,
நம் காதல் நினைவுகளில் !
நம்மிரு காதற்
பார்வையிலே நாம்
நனைவோம் ஓர்
பனி மலராய் !
மறந்திடாத நிகழ்வுகளையும்
மறுத்திட்ட வேளைகளையும்
மறுமுறை ரசித்திடுவோம் !
மலர்க் கரங்கள் இணைத்து !!
நாம் ஒன்றிணையும்
நொடிகளைப் பதித்திடுவோம் ,
நம் காதல் மாளிகையில் !
நாம் சிந்தும்
வார்த்தைகள் கோர்த்தெடுத்து
முத்தாரம் சூட்டிடுவோம்
நம் காதலுக்கு !
பிரிந்திருக்கும் நேரங்களில்
இணைந்திடுவோம் காதல்
எண்ண அலைகளின் வழியே !
இமைகள் திருடிக்
காதலிப்போம் ,இனிமையைப்
பரிசாய்த் தந்திடலாம் , உலகக்
காதலருக்காக !
தினந்தினம் காதல்
கொண்டாடிவோம் !
தித்திக்கும் காதலுக்கு
எந்நாளும் காதலர் தினமே!
