இயற்கையது விந்தை
காலன் வீசும் அம்பு
காற்று
சிறகொடிந்து வீழும்
தென்னங் கீற்று!!
காதல் வலை வீசும்
கதிரவன்!!
முகமலர்ந்தே கண் சிமிட்டும்
செம்மலர்கள்!!
இயற்கையை ஒப்பனை செய்யும்
பனித்துளிகள் - பூ
இதழ்களில் வடியும்
தேன் துளிகள்!!
கதிரவன் தொடுத்தான்
கதிர் வேலை!!
உடனிடம் விட்டொ ளித்தான் பனி
காலை வேளை!!
இதழ் சுவைக்க விரைந்தன
கருவண்டுகள்!!
காதலன் தூதென பணிந்தன
மலர் செண்டுகள்!!
பின்னிசை இசைத்தன
தாவரப் பட்சிகள் - அதில்
பரவசமாய் மேலெழுந்தான்
பகலோன் கதிரவன்!!
இதழசைத் தழைக்கும் - காதல்
கொள் மலர்கள் - அதனால்
உணர்வுகள் சூடாகியே எரிக்கும்
காவலன் அருக்கண்!!
ஊடலில் கூடல் கொண்டது
இயற்கை!!
பிரிந்த காதலனைஎண்ணியே வாடியது
நறுமண யாக்கை!!
