கடுதாசி இன்னும் வரக் காணலையே மச்சான்

எந்தூரு நீ போன
---என்னாசை மச்சானே!
எந்தூக்கம் கெடுத்தஉனை
---கண்ணுக்குள் வெச்சேனே !

கள்ளடிச்ச போதையில
---காட்டுவழிப் பாதையில
தள்ளாடித் தான்நடந்து
---கீழ்விழுந்து விட்டாயோ ?

என்னாடி உன்னோட
---பெரும்பாடு என்றுசொல்லி
மன்னாதி மன்னனுக்கு
---மந்திரியாப் போனாயோ ?

கடல் வத்தி மீனு திங்க
---கொடல் வத்தி செத்த கொக்காய் !
உடல் வத்திக் கெடக்கேனே உன்
---மடலால உயிர் பொழப்பேன் !

காத்துவந்து தீண்டையிலும்
---காவேரி வருடையிலும்
காத்திருந்தேன் பாத்திருந்தேன்
---காதல் தவிச்சிருந்தேன்

படுத்துறங்கி நாளாச்சு
---பட்டினிபல பாத்தாச்சு
கடுதாசி இன்னும்வரக்
---காணலையே ஆசமச்சான் !

படுத்துதையா உன்நினைவு
---பாவிஎன்னக் கொல்லுதைய்யா
கடுதாசி இன்னும்வரக்
---காணலையே ஆசமசான் !

-விவேக்பாரதி