அறிவுரையை செவிமடுப்பீர்
அன்னையோ ஆசிரியையோ
அறிவுரையை செவிமடுப்பீர் !
அறியாப்பருவம் நுழைவாயில்
அறிந்துகொள்ள வாழ்வினிலே !
ஆர்வமுடன் அகநிறைவோடு
ஆரம்பமுதலே அறிந்திட்டால்
ஆய்ந்தறியும் பகுத்தறிவோடு
ஆள்பவனா ய் உருவாகலாம் !
அன்பை கற்றிடுக அன்னையிடம்
அறிவைப் பெற்றிடுக ஆசிரியரிடம் !
அகிலத்தை அறிந்திடுக அன்னையிடம்
அறிவியலை கற்றிடுக ஆசிரியரிடம் !
ஆளாக்கிய அன்னையை வணங்கிடுவீர்
அறிவூட்டிய ஆசிரியரை போற்றிடுவீர் !
வாழும்வரை அன்னையை கைவிடாதீர்
வாழ்வினில் ஆசிரியரை மறவாதீர் !
அன்னையோ ஆசிரியையோ
அறிவுரையை செவிமடுப்பீர் !
பழனி குமார்
