அழகான வாழ்க்கை ஆனந்தமாய்
வா வா வா
வண்ணத்துப்பூச்சி
உன் வண்ணம்
பொன்னோவியம்
கண்ணோடு நீ
காட்டுகின்றாய்
அழகான பூ சித்திரம்
மலரோடு மகரந்தம் தேடி
மகிழ்ந்தாடும் மழை நாளிலே
மனதோடு இன்பங்கள் தந்து
சிறகடிக்கும் இள வானிலே
மேகங்கள் மோகங்கள் கொண்டு
ஒன்றோடு ஒன்றாகிட
முரசாக இடியோசை
மின்னல் ஒளியோடு
வான் மின்னிட
வானத்து தூறல்கள் எல்லாம்
மண்ணோடு ஓர் சங்கமம்
வையத்து பூக்கின்ற பூக்கள்
ஒவ்வொன்றும் ஓர் அற்புதம்
பொன்னூஞ்சல் கிளைமேலே
குழலாக குயிலொன்று
இசைத்திட
குழந்தை போல் மனமிங்கு
ரசித்திட
நதியோடு கலக்கின்ற காற்றும்
ஜதியோடு இசை பாடிட
கரைதொட்டு போகின்ற அலையும்
இசைக்கேற்ப நட மாடிட
மீன் துள்ளி போகின்ற
அழகில்
விண்மீனும் இன்பம் கொள்ள
ஏகாந்தம் சூழ்கின்ற இரவில்
ஏக்கங்கள் தூரம் செல்ல
முடிவில்லா வானத்தில்
பாலாறு போல்வந்து
அழகாய்
பொழிகின்ற நிலவென்னை
அழைக்க
