மண் பயனுற வேண்டும்
வெடித்தல்
புதுமைகளின் பிறப்பிடம்,
வெடித்தலின் பயன் பிறப்பு,
புதுமை அதன் சிறப்பு!
அணு வெடிப்பில் ஆற்றல்,
பெரும் வெடிப்பில் அண்ட சராசரம்,
கன்னி வெடித்து தாய்மை,
கரு வெடித்து குழந்தை,
வான் வெடித்து மழை,
நிலம் வெடித்து பயிர் ,
விதை வெடித்து மரம்,
சொல் வெடித்து மொழி,
சிந்தை வெடித்து அறிவியல்,
வெடித்தலின் நோக்கம் ஆக்கம்
அழிவு அதன் தாக்கம்.
ஆபத்து நிறைந்த அணுகுண்டு போல,
அழிக்கப்படும் பெண் சிசு போல,
கூடங்குளம் அணு போல
டெல்டா மண் (மீ)தேன் போல...
வெடித்தலை நமதாக்குவோம்,
புதுப்படைத்தலை உருவாக்குவோம்...
மண் பயனுற வேண்டும்.
