இந்த காதலுக்கு அறிவே இல்லை
"இந்த டிரஸ் நல்லாருக்கா"
ஆர்வமாய் நான்
"புடவை தான் அழகு உனக்கு"
சரியாக கூட பாராமல் நீ :-(
"புரியலைடா"
சம்மந்தமில்லாமல்
நீ அனுப்பிய குறுஞ்செய்திக்கு
பதிலாய் நான்
"சாரிடீ தவறுதலா அனுப்பிட்டேன்"
கூலாக நீ :-(
"யாருக்கிந்த கவிதை"
ஆசையாய்
உன் காதல் கவிதை
படித்தபடி நான்
"நானும் xxx
காதலிச்சிருந்தா
இப்படி தானிருக்கும்"
இயல்பாய் நீ :’(
"ஹாய்"
ஆர்வமாய் நான்
"கொஞ்சம் வேலை இருக்குடா"
ஆன்லைனில் இருந்தபடி நீ :-(
"என் கவிதை நல்லாருக்கா"
உனக்கான கவிதையோடு நான்
"ஓ சூப்பர்"
"எந்த வரிகள் ரொம்ப பிடிச்சிருக்கு"
"இன்னும் சரியா படிக்கலைடா"
உன் இயல்புகளில்
உனை
கடந்து கடந்து
இதோ வந்துவிட்டேன்
உனை எட்டா தூரத்திற்க்கு
"ஹஹாஹா"
எக்களிப்பாய் நீ
"யார் சிரிப்பது,
ஓ நீதானா..
இத்துணை சந்தோஷமா உனக்கு
உனை பிரிந்ததில்"
உனை திரும்பி பார்த்ததில்
அதிர்ந்து தான் போனேன்
ஆஹா என் (மானங்கெட்ட) மனம்
இன்னும் அங்கேயே
உனை
இருக அனைத்தபடி நிற்கிறதே..
"இந்த காதலுக்கு அறிவே இல்லை"
தலையில் அடித்தபடி நான் ;-) ..
