காதல் தோல்வி என்றில்லை

காதலில் தோல்வியென்றால்
கண்ணில் விழும் காட்சிகளும்
காண்பதற்கில்லை,
தழுவும் தென்றலும்
தீயாய் அணைக்கிறது,
நொடியில் கடந்த பாதைகளும்
நீண்டு செல்கிறது ,
நிழலும் சுமைதான்
நிஜமாய் உணர்கிறேன் முதலில்,
நிமிடங்கள் கடத்த அவள்
நினைவுகளை நிரப்புகிறேன்,
என்று உரைத்தான்
என் நண்பன்,

சில நிமிடம் யோசித்து,
சொன்ன சொல் இவைதான்,
காதல் தோல்வி என்றில்லை,நின்
காதலும் தோற்கவில்லை,

காதலிதான் தொலைந்து விட்டால்,
கலங்காதே என் நண்பா,
கண்டுபிடி காதலியை
கொடுத்துவிடு சேர்த்துவைத்த காதலையும்,

எக்காதலும் தோற்றதில்லை
எக்காலமும் தோற்றதில்லை
என உரைத்தேன்
என் நண்பனிடம்!