எழுந்திரு இளைஞா
இத்தனை கோடி இளைஞர்கள் கூடி
எதனை படைத்தோம் இத்தனை நாளாய்
உணவு படைக்கும் இப்பெரும் பரப்பில்
கழிவினை திறந்து காணிக்கை இட்டோம்
எப்படி வளர்ந்தது இப்பெரும் மாற்றம்
எதற்கு தயார் இப்பெரும் கூட்டம்
காக்கை குருவிக்கும் காவல் போட்டோம்
இப்பெரும் பரப்பிற்கு எக்காவல் அமைத்தோம்
நாசம் கொண்ட நஞ்சுரு தீவாய்
உருபெற்று வருதே இன்றைய நாடு
வறுமையின் காரணம் எவரிங்கு அறிந்தார்
விளைநிலம் அழிதலில் பெரும்பங்கு உண்டு
மழையின் மாற்றத்தை யாரிங்கு செய்தார்
கொடுமையிலும் கொடுமை இப்பெரும் ஆட்டம்
யார்தான் வந்து நல்வழி செய்வார்
எழுந்திரு இளைஞா இது உனதுபொறுப்பு.
