தனித்த பயணம் இனி வேண்டா
இதயம் வருடிய அரக்கி - எந்தன்
இரத்தம் மொத்தம் சுவாசமாய்
பல்லாயிரம் மைல்கள் கடந்தும் - என்னுள்
பத்திய வைத்திய மாத்திரையாய்
விழியது கொஞ்சம் திறந்தால் - நங்கை
விடியலில் வந்தாய் மனதுக்குள்
அத்துணை அயர்வின் ஊடேயும் - அடி
அமிர்தமாய் நெஞ்சம் தித்தித்தாய்
படுக்கை கொஞ்சம் கசக்குதடி - உளம்
பஞ்சில் நெருப்பாய்க் கொதிக்குதடி
ஊடல் கூடல் கலந்ததடி - நம்
ஈருடல் ஓருயிரானதனால்
பூமியிலிவ்வுயிர் வாழுமட்டும் - பிரிவு
பூத்திட நாமும் சம்மதியோம்
தூரம் என்பதை இனி நாமே - தூர
விரட்டி வாழ்ந்திடுவோம்
தனித்த பயணம் இனி வேண்டா - ஒன்றாய்
தரணி எங்கும் வலம் வருவோம்.
