மௌனம் கொள் மாமழையே
மௌனம் கொள் மாமழையே..!
மாநிலத்தின் நிலையோ கையறுநிலையே...!
மாமழை போற்றிய மன்னவர் தேசம்
மரமந்தி கையிலே மலர்மாலை போலே ...
மௌனம் கொள் மாமழையே...
மாநிலத்தின் நிலையோ கையறுநிலையே..!
ஜனனம் ஈந்து சஞ்சரித்த நீ
சலனம் கொண்டதேனோ ..?
மரணம் தந்தது போதும்
சயனம் கொள் சத்தமின்றி...
மௌனம் கொள் மாமழையே..!
மாநிலத்தின் நிலையோ கையறுநிலையே..!
பகவான் நீ பாருக்கே
பகைவன் வேடம் வேண்டாமே..!
பகலவனை அனுப்பு
பார்த்துக்கொள்கிறோம் பத்து நாளுக்காவது...!
மௌனம் கொள் மாமழையே...
மாநிலத்தின் நிலையோ கையறுநிலையே..!
