நண்பர்களுக்கு என் இனிய புத்தாண்டு வாழ்த்துக்கவி

வாழ்வில் வெற்றி பெற
2016 புத்தாண்டிலிருந்து

இதயத்தை இரும்பாக்கு
இன்சொல்லை மருந்தாக்கு
அறிவைப் பருந்தாகக்கு
அன்பை விருந்தாக்கு

சொல்லை மருந்தாக்கு
செயலை எறும்பாக்கு
நன்மைகளைப் பெருக்கு
நசுக்கிவிடு செருக்கு

தீயவைக்கு தீ வை
அளந்து பேசு நாவை
மனம் நாடும் பாவை
கடிவாளம் தேவை

முயற்சியை உரமாக்கு
பயிற்சியை மரமாக்கு
தொல்லைகளை முடி
எல்லைவரை படி

பயன்படுத்து நேரத்தை
பண்படுத்து வீரத்தை
உறுதியாக்கு தேகத்தை
தளர்வாக்கு கோபத்தை

தூக்கியெறி சோகத்தை
துவைதுவிடு மோகத்தை
குறைத்து வை வேகத்தை
கூட்டிவை விவேகத்தை

வில்லாக்குப் பணிவை
அம்பாக்குத் துணிவை
முகத்தில் வை கனிவை
மனதில் வை கனவை

குடிக்காதே கள்ளை
உயிருக்குத் தொல்லை
பிடிக்காதே புகை
வளர்க்காதே பகை

கொள்ளாதே சூது
கல்வியை ஓது
இருக்ககலாம் முடமாக
இருக்காதே மூடனாக

நேர்மையாக உழை
செய்யாதே பிழை
வியர்வையாக்கு நெற்றியை
விடாமுயற்சிக்கு
விருந்துவை வெற்றியை...

அணைத்து கவிஞர்களுக்கும்
என் இனிய புத்தாண்டு வாழ்த்துக்கள்